Bakı, VOA

Türkiyənin 500 ən böyük sənaye müəssisəsi siyahısında qida sektoru 100 şirkətlə birinci, əsas metal sənayesi isə 74 şirkətlə ikinci yerdədir.

VOA xəbər verir ki, İstanbul Sənaye Palatası (İSO) tərəfindən hazırlanan Türkiyənin 500 Ən Böyük Sənaye Müəssisəsi 2023 Araşdırmasının nəticələrinə görə, 24 sektor üzrə ən böyük 500 şirkət toplanıb.

Sözügedən araşdırmada ən çox firmanın olduğu sektor 100 firma ilə qida məhsulları olub. Qida məhsulları sektorunda şirkətlərin sayı əvvəlki ilə nisbətən 6 ədəd artıb. Qida sənayesindən sonra müvafiq olaraq 74 şirkətlə əsas metal sənayesi, 47 şirkətlə isə motorlu nəqliyyat vasitələri, qoşqu və yarımqoşqu istehsalı gəlməkdirdir.

Həmçinin onu da qeyd edək ki, siyahıya kimya və kimya məhsullarının istehsalı üzrə 35, elektrik avadanlıqlarının istehsalı üzrə 34, digər qeyri-metal mineral məmulatların istehsalı üzrə 30, toxuculuq məmulatlarının istehsalı üzrə 26, rezin-plastik və hazır metal məmulatlarının istehsalı (maşın və avadanlıqlar istisna olmaqla) sektorlarından isə19 şirkət daxil edilib.

Qeyd edək ki, ISO 500-də şirkətlərin bağlı olduğu palatalara əsasən, İstanbul 151 şirkətlə ən böyük paya sahibdir.

İstanbuldan sonra müvafiq şəkildə, 45 şirkətlə Ankara Sənaye Palatası, 38 şirkətlə Ege Bölgəsi Sənaye Palatası və Kocaeli Sənaye Palatası, 29 şirkətlə Gaziantep Sənaye Palatası, 16 təşkilatla Bursa Ticarət və Sənaye Palatası və 14 şirkətlə Kayseri Sənaye Palatası gəlir.