Bakı,AzerVoice

Türkiyə Belçikanın paytaxtı Brüsseldə keçiriləcək Avropa İttifaqının (Aİ) Xarici İşlər Nazirləri Toplantısına (Gymnich) dəvət edilib.

AzerVoice xəbər verir ki, bu barədə Türkiyə Xarici İşlər Nazirliyinin sözçüsü Öncü Keçeli məlumat verib.

Keçeli Aİ tərəfinin Türkiyəni Xarici İşlər Nazirlərinin qeyri rəsmi görüşünə dəvət etdiyini bildirib.

Həmçinin o, deyib ki, Xarici İşlər Naziri Hakan Fidanın avqustun 29-da baş tutacaq görüşdə iştirak etmək üçün Brüsselə getməsi gözlənilir.

Sözügedən dəvətin müsbət qarşılandığını deyən Keçəli, Aİ tərəfi etdiyi dəvətlə"dialoq axtarışında olduğunu göstərir" - deyə açıqlamasında bildirib.

"Ümid edirik ki, bu addım münasibətlərimizi pisləşdirən 5 iyul 2019-cu il tarixli qərarlarının dəyişdirilməsinə zəmin yaradacaq"- deyə o bildirib.

Həmçinin o bu müsbət yaxınlaşmanın Gymnich görüşləri ilə məhdudlaşmaması lazım olduğuna deyib.

Keçeli Gömrük İttifaqının yenilənməsi, xüsusilə Türkiyənin Aİ-na üzvlüyə qəbul edilməsi prosesi , viza rejiminin sadələşdirilməsi, siyasət, iqtisadiyyat, nəqliyyat və enerji kimi əhəmiyyətli mövzularda sıx əməkdaşlıq edilməli olduğunu bildirib.

Qeyd edək ki, Türkiyə 5 il fasilədən sonra ilk dəfədir ki, Gymnich görüşünə dəvət edilir.

Bu görüşlər Aİ Xarici İşlər Nazirlərinin beynəlxalq mövzularda sərbəst fikir mübadiləsi aparmaları üçün təşkil edilir.

Onu da qeyd edək ki, Gymnich görüşləri Aİ-nin ümumi xarici siyasət və təhlükəsizlik strategiyalarının müəyyən edilməsində mühüm əhəmiyyətə malikdir.