BAKI,AzerVoice
ABŞ Konqresinin bir qrup üzvü, hazırda Luizianada saxlanılan türk doktorant Rümeysa Öztürk və fələstinli aktivist Mahmud Halili ziyarət edib.
AzerVoice xəbər verir ki, konqresmenlər hər iki şəxsin siyasi səbəblərlə həbs olunduğunu bildirərək, dərhal azadlığa buraxılmaları çağırışı ilə çıxış ediblər.
Açıqlamada qeyd olunub ki, Öztürk və Halil tibbi yardım, qida və ibadət imkanlarından məhrumdurlar.
Kongres üzvü McGovern onların “siyasi motivlərlə” saxlanıldığını bildirərkən, senator Markey də Luizianaya köçürülmənin arxasında siyasi məqsədlərin dayandığını vurğulayıb. Markey Donald Trump administrasiyasının bu addımla ifadə azadlığını məhdudlaşdırmaq istədiyini deyib.
Temsilçi Pressley isə Öztürkü Massaçusets cəmiyyətinin dəyərli üzvü kimi təqdim edib.
“Nə Öztürk, nə də Halil hər hansı cinayət törətməyib. Onlar sadəcə ifadə azadlığından istifadə etdikləri üçün cəzalandırılırlar” – deyə o, bildirib.
Qeyd edək ki, Tufts Universitetində doktorantura təhsili alan Rümeysa Öztürk 25 martda iftara gedərkən, maskalı 6 Göç və ICE əməkdaşı tərəfindən saxlanılıb. O, əvvəlcə Vermont ştatına, daha sonra isə Luizianadakı mərkəzə köçürülüb.
