BAKI, AzerVoice
Qəzza məsələsi həll olunduqdan sonra yeni bir dövr başlayacaq.
AzerVoice xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş deyib.
“Qəzza məsələsi həll olunduqdan sonra, Allahın izni ilə qarşımızda yeni bir dövr başlayacaq. Bu, çətin bir siyasi mübarizə dövrü olacaq. Beynəlxalq parlamentin bu siyasi mübarizədə Fələstin xalqının yanında yer almasını təmin edəcəyik” - deyə, Kurtulmuş bildirib.
Kurtulmuş, aprel ayında İstanbulda TBMM-nin təşəbbüsü ilə təşkil olunan "Fələstini Dəstəkləyən Parlamentlər Qrupu İclası"nı xatırladıb.
“Rəsmi şəkildə parlamentlərin iştirakı ilə bir iclas keçirdik. Həmin iclasda qəbul edilən qərar əsasında bu parlamentləri və ölkələri daha da genişləndirərək mümkün qədər artırmağa çalışırıq. İnanın ki, demək olar bütün beynəlxalq toplantılarda, mənim TBMM sədri olaraq iştirak etdiyim bütün görüşlərdə, prezidentimizin qatıldığı beynəlxalq platformalarda mövzu nə olursa olsun, biz mütləq məsələni Qəzzada baş verən cinayətlərə, bu insanlıq tarixinin gördüyü ən böyük soyqırımı məsələsinə gətirir və fikirlərimizi orada çox sərt şəkildə ifadə etməyə çalışırıq. TBMM bu baxımdan qlobal bir təşəbbüsə öncülük edib. Ümid edirik ki, digər ölkələr də bu məsələyə ciddi şəkildə yanaşacaq” - deyə, o qeyd edib.
