BAKI, AzerVoice, Nərmin Ağayeva

Türkiyənin Ədirnə vilayətində ölkədən qaçmağa cəhd edən 4 FETÖ üzvü təhlükəsizlik qüvvələri tərəfindən saxlanılaraq həbs edilib.

AzerVoice xəbər verir ki, Ədirnə İl Jandarma Komandanlığı qrupları tərəfindən aparılan əməliyyat nəticəsində FETÖ üzvləri olduğu müəyyən edilən S.S.Y., H.B., S.Y. və H.S.E. adlı şəxslər Uzunköprü rayonunun Balaban kəndində ölkədən qaçmağa hazırlaşarkən yaxalanıb. İstintaq prosesindən sonra şübhəlilər Uzunköprü Ədliyyəsinə sövq edilib və hakim qərarı ilə həbs olunub.

Əməliyyat çərçivəsində şübhəlilərin qaçışına vasitəçilik etdiyi ehtimal olunan Y.Ç. adlı şəxsin tutulması üçün axtarış işləri davam etdirilir.

Qeyd edək ki, FETÖ (Fətullahçı Terror Təşkilatı) Türkiyədə 2016-cı ilin 15 iyul tarixində baş verən uğursuz çevriliş cəhdindən sonra ölkədə terror təşkilatı kimi qəbul edilir. Çevriliş cəhdindən sonra minlərlə şübhəli saxlanılıb və təşkilat üzvlərinin ölkədən qaçış cəhdləri tez-tez təhlükəsizlik qüvvələri tərəfindən aşkarlanır.