BAKI,AzerVoice, Orxan Qədirzadə
FETO/PDY terror təşkilatının qadın strukturlarına qarşı keçirilən əməliyyat çərçivəsində Eskişehir mərkəzli olmaqla Adana, Balıkesir, Edirne və İzmir vilayətlərində eyni vaxtda aparılan tədbirlərdə 16 şübhəli saxlanılıb.
AzerVoice xəbər verir ki, Eskişehir Respublika Baş Prokurorluğunun təlimatı əsasında həyata keçirilən əməliyyatda şübhəlilər arasında özəl sektor əməkdaşları, evdar qadınlar və universitet tələbələri də yer alıb. Əməliyyat zamanı ünvanlarda aparılan axtarışlar nəticəsində çox sayda rəqəmsal material, eləcə də Türkiyə lirəsi və müxtəlif valyutalarda olan pul vəsaitləri müsadirə olunub.
Əməliyyatın nəticələrinə əsasən, saxlanılan şübhəlilərdən 5-i həbs edilib, 3 nəfər barəsində ev dustaqlığı, 8 şübhəli barədə isə ölkədən çıxışa qadağa olmaqla məhkəmə nəzarəti tətbiq olunub.
Əməliyyatın FETÖ-nün yenilənmiş qadın qrupunun fəaliyyətinə ciddi zərbə vurduğu bildirilib.
