BAKI, AzerVoice, Nailə Babazadə
Ankara Respublika Baş Prokurorluğu tərəfindən FETÖ ilə əlaqəsi və bağlılığı müəyyən edilən, aralarında hərbçi və dövlət qulluqçularının da olduğu 22 şübhəli barəsində həbs (gözaltı) qərarı verilib.
AzerVoice xəbər verir ki, Ankara Respublika Baş Prokurorluğundan verilən açıqlamaya görə, Terror Cinayətləri üzrə İstintaq Bürosu tərəfindən Fətullahçı Terror Təşkilatı (FETÖ)-nün Quru Qoşunlar Komandanlığına sızmış və “gizli xidmətlər” adlandırılan şəbəkəsi ilə əlaqəli olduğu müəyyən edilən şəxslərə qarşı istintaq başlanıb.
Məlum olub ki, şübhəlilər Ankara şəhərindəki büfələr, ərzaq dükanları və marketlər kimi iş yerlərindəki kontorlu sabit telefon xətlərindən istifadə edərək təşkilatın sözde “gizli rəhbərləri” ilə əlaqə saxlayıblar.
Bu çərçivədə Baş Prokurorluq 8-i hazırda xidmət edən hərbçi, 6-sı ehtiyatda olan hərbçi, 4-ü əvvəllər vəzifəsindən çıxarılmış hərbçi, 3-ü aktiv dövlət qulluqçusu və 1-i özəl sektor əməkdaşı olmaqla 22 nəfər haqqında saxlanma qərarı verib.
Şübhəlilərin Ankara mərkəzli 9 şəhərdə eyni vaxtda saxlanılması əməliyyatları Ankara Polis İdarəsinin əməkdaşları tərəfindən davam etdirilir.
