Türkiyə 119 ölkədən iki mindən çox FETÖ üzvünün ekstradisiya edilməsini tələb edib
Türkiyənin Ədliyyə naziri Akın Gürlek sosial şəbəkə hesabında etdiyi paylaşımda FETÖ terror təşkilatına qarşı mübarizənin kəsintisiz davam edəcəyini vurğulayıb. Nazir qeyd edib ki, bu mübarizə təkcə təhlükəsizlik məsələsi deyil, birbaşa Türkiyənin gələcəyini maraqlandıran milli məsələdir.
Ankara mərkəzli FETÖ əməliyyatı: 3 şübhəli saxlanılıb
Ankara Baş Prokurorluğu tərəfindən FETÖ-nün "dövlət qurumlarındakı gizli strukturu"na qarşı aparılan istintaq çərçivəsində 3 nəfərin tutulması barədə qərar verilib. Terror Cinayətlərini İstintaq Bürosu tərəfindən həyata keçirilən araşdırmalar nəticəsində bəzi şübhəlilərin təşkilatdaxili rabitə üçün "operativ xətlərdən" istifadə etdiyi müəyyən edilib. İstintaq materiallarına görə, sözügedən 3 şəxsin təşkilatın gizli xəbərləşmə proqramı olan "ByLock"dan istifadə etdiyi təsbit olunub. Şübhəlilərdən ikisinin daha əvvəl dövlət qulluğundan xaric edildiyi, birinin isə hazırda aktiv vəzifədə olduğu bildirilir. Onların saxlanılması üçün əməliyyatlara başlanılıb.
Ankarada terror əməliyyatı: 4 şübhəli, 6 məhkum saxlanılıb
Ankarada terror təşkilatı İŞİD və FETÖ-yə qarşı aparılan iki ayrı istintaq çərçivəsində 4 şübhəli və 6 axtarışda olan məhkum saxlanılıb. Ankara Respublika Baş Prokurorluğu Terror Cinayətləri üzrə İstintaq Bürosu tərəfindən aparılan araşdırmalar zamanı **İŞİD** tərkibində fəaliyyət göstərdikləri və münaqişə bölgələri ilə əlaqə saxladıqları müəyyən edilən İraq vətəndaşı 4 nəfərin saxlanıldığı bildirilib.
Türkiyədə FETÖ-yə qarşı növbəti əməliyyat: 18 nəfər saxlanıldı
FETÖ-yə qarşı İstanbul mərkəzli 8 vilayətdə keçirilən əməliyyat nəticəsində 18 şübhəli saxlanılıb. İstanbul Baş Prokurorluğu tərəfindən FETÖ-yə qarşı yeni istintaq başladılıb. Təşkilatın mövcud strukturu daxilində fəaliyyət göstərdiyi müəyyən edilən bəzi üzvlər ifşa olunub.
Türkiyənin 16 vilayətində FETÖ-yə qarşı əməliyyat: 81 nəfər saxlanılıb
Türkiyənin Daxili İşlər Naziri Ali Yerlikaya İstanbul, Ankara, İzmir, Diyarbakır və Balıkesir mərkəzli olmaqla 16 vilayətdə FETÖ terror təşkilatına qarşı keçirilən eyni vaxtlı əməliyyatlarda, aralarında hazırda dövlət vəzifəsində çalışan şəxslərin də olduğu 81 şübhəlinin saxlanıldığını açıqlayıb. Nazir Yerlikaya sosial media hesabında etdiyi açıqlamada Türkiyə Polis Baş İdarəsi, KOM (Qaçaqmalçılıq və Mütəşəkkil Cinayətkarlıqla Mübarizə Şöbəsi) və Kəşfiyyat Rəisliyinin Baş Prokurorluqları ilə koordinasiyalı şəkildə fəaliyyət göstərdiyini bildirib. Gizli şahidlərdən əldə edilən rəqəmsal materiallar əsasında aparılan araşdırmalar nəticəsində İstanbul, Ankara, Diyarbakır, Balıkesir, Bilecik, Bursa, Erzincan, Hatay, İzmir, Kayseri, Kütahya, Manisa, Muğla, Sivas, Şanlıurfa və Rize şəhərlərində genişmiqyaslı əməliyyatlar həyata keçirilib.
Türkiyədə FETÖ əməliyyatı: 223 şübhəli saxlanıldı, 87-si həbs edildi
Türkiyənin daxili işlər naziri Ali Yerlikaya FETÖ-yə qarşı aparılan əməliyyatlarla bağlı açıqlama verib. Nazir bildirib ki, son 20 gün ərzində keçirilən əməliyyatlar zamanı 223 şübhəli saxlanılıb, onlardan 87-si barəsində həbs qətimkan tədbiri seçilib. Ali Yerlikaya sosial şəbəkə hesabında paylaşdığı məlumatda qeyd edib ki, polis əməkdaşları tərəfindən FETÖ terror təşkilatına qarşı son 20 gündə ölkə üzrə genişmiqyaslı əməliyyatlar həyata keçirilib. Nazirin sözlərinə görə, saxlanılan şəxslər arasında FETÖ-nün “məxfi strukturları” daxilində fəaliyyət göstərənlər, təşkilatın şifrəli rabitə proqramı ByLock istifadəçiləri, ankesörlü telefonlar vasitəsilə təşkilat üzvləri ilə əlaqə saxlayanlar, həmçinin təşkilata bağlı iş adamları üzərindən maliyyə dəstəyi təmin edən şəxslər yer alır.
İstanbulda FETÖ-yə qarşı əməliyyat: 4 nəfər saxlanılıb
Türkiyənin Milli Kəşfiyyat Təşkilatı (MİT) və İstanbul Polis İdarəsinin birgə keçirdiyi əməliyyat nəticəsində FETÖ terror təşkilatı ilə əlaqədə şübhəli bilinən 4 nəfər saxlanılıb. İstanbul Polis İdarəsindən verilən məlumata görə, Türkiyə Terrorla Mübarizə Şöbəsinin əməkdaşları MİT və Kəşfiyyat Şöbəsi ilə koordinasiyalı şəkildə FETÖ-nün fəaliyyətlərinin ifşa olunması istiqamətində əməliyyat-axtarış tədbirləri həyata keçirib. Aparılan araşdırmalar zamanı barələrində istintaq aparılan və saxlanılma və ya həbs olunma riski olan şübhəlilərin bundan yayınmaq məqsədilə saxta şəxsiyyət vəsiqələrindən istifadə etdikləri, təşkilata yaxın şəxslərin adına ev kirayələdikləri və təşkilata məxsus “hücrə evlərində” gizləndikləri müəyyən edilib.
Türkiyədə FETÖ əməliyyatlarında 90 nəfər həbs olunub
Türkiyədə FETÖ terror təşkilatına qarşı son iki həftə ərzində keçirilən əməliyyatlar nəticəsində 160 şübhəli saxlanılıb. Bu barədə Türkiyənin daxili işlər naziri Ali Yerlikaya məlumat verib. Nazir bildirib ki, əməliyyatlar Respublika Baş Prokurorluqları ilə Polis Baş İdarəsinin Terrorla Mübarizə, Qaçaqmalçılıq və Mütəşəkkil Cinayətkarlıqla Mübarizə və Kəşfiyyat bölmələrinin koordinasiyası ilə həyata keçirilib. Məlumata görə, 39 vilayəti əhatə edən əməliyyatlar çərçivəsində saxlanılan şəxslərin FETÖ-nün şifrəli rabitə proqramı olan “ByLock”dan istifadə etdikləri, həmçinin ankesörlü telefonlar vasitəsilə təşkilat üzvləri ilə əlaqə saxladıqları müəyyən edilib.
Türkiyədə FETÖ əməliyyatlarında 58 nəfər həbs olunub
Türkiyədə FETÖ-yə qarşı son iki həftədə 37 vilayətdə aparılan əməliyyatlar zamanı saxlanılan 121 şübhəlidən 58-i həbs edilib. Bu barədə Türkiyə Daxili İşlər Naziri Ali Yerlikaya sosial media hesabında məlumat verib. Onun sözlərinə görə, əməliyyatlar Respublika Baş Prokurorluqları ilə Təhlükəsizlik Baş İdarəsinin TEM, KOM və Kəşfiyyat qurumlarının koordinasiyası, həmçinin yerli emniyyət müdürlüklərinin iştirakı ilə həyata keçirilib.
Türkiyədə FETÖ-yə qarşı əməliyyatlarda 22 nəfər saxlanılıb
Ankara Respublika Baş Prokurorluğu tərəfindən FETÖ ilə əlaqəsi və bağlılığı müəyyən edilən, aralarında hərbçi və dövlət qulluqçularının da olduğu 22 şübhəli barəsində həbs (gözaltı) qərarı verilib. Ankara Respublika Baş Prokurorluğundan verilən açıqlamaya görə, Terror Cinayətləri üzrə İstintaq Bürosu tərəfindən Fətullahçı Terror Təşkilatı (FETÖ)-nün Quru Qoşunlar Komandanlığına sızmış və “gizli xidmətlər” adlandırılan şəbəkəsi ilə əlaqəli olduğu müəyyən edilən şəxslərə qarşı istintaq başlanıb.
Türkiyədə FETÖ-yə qarşı əməliyyat keçirilib
Türkiyədə Konya mərkəzli 9 əyalətdə, FETÖ-nün gizli təşkilatlanmasına qarşı keçirilən əməliyyatda 20 şübhəli saxlanılıb. Cumhuriyyət Baş Prokurorluğu tərəfindən aparılan araşdırmalar nəticəsində, təşkilatın müəyyən strukturlarında fəaliyyət göstərdikləri müəyyən edilən 25 şübhəli üçün axtarış qərarı çıxarılmışdı. Konya Polis İdarəsinin əməkdaşları, Konya, Ankara, Kırıkkale, İzmir, Manisa, İstanbul, Kocaeli, Erzurum və Karaman şəhərlərində eyni vaxtda keçirilən əməliyyatlarda 20 şübhəliyi saxlayıb. Şübhəlilərin polis idarəsindəki araşdırmaları davam edir.
Türkiyədə FETÖ -yə qarşı əməliyyat keçirilib
Türkiyənin daxili işlər naziri Ali Yerlikaya son 10 gündə ölkənin 29 şəhərində FETÖ terror təşkilatına qarşı aparılan əməliyyatlar zamanı 49 şübhəlinin saxlanıldığını, onlardan 39 nəfərinin həbs edildiyini açıqlayıb. Nazir Yerlikaya bu barədə sosial media hesabında məlumat verib. Onun sözlərinə görə, İstanbul, İzmir və Ankara da daxil olmaqla bir çox şəhərdə jandarma qüvvələri tərəfindən koordinasiyalı əməliyyatlar həyata keçirilib. Saxlanılan şəxslər sosial media üzərindən FETÖ təbliğatı aparmaq, təşkilatın hazırkı strukturlarında fəal iştirak etmək, ankesorlu telefonlarla əlaqə yaratmaq və terror təşkilatı ilə əlaqəli saxta yardım qurumlarına maliyyə dəstəyi vermək kimi ittihamlarla axtarılırdı.
