BAKI, AzerVoice, Nailə Babazadə
Türkiyədə FETÖ-yə qarşı son iki həftədə 37 vilayətdə aparılan əməliyyatlar zamanı saxlanılan 121 şübhəlidən 58-i həbs edilib.
AzerVoice xəbər verir ki, bu barədə Türkiyə Daxili İşlər Naziri Ali Yerlikaya sosial media hesabında məlumat verib. Onun sözlərinə görə, əməliyyatlar Respublika Baş Prokurorluqları ilə Təhlükəsizlik Baş İdarəsinin TEM, KOM və Kəşfiyyat qurumlarının koordinasiyası, həmçinin yerli emniyyət müdürlüklərinin iştirakı ilə həyata keçirilib.
Yerlikaya bildirib ki, saxlanılan şəxslər FETÖ-nün hərbi gizli yapılanması, tələbə strukturu və ədliyyədəki gizli şəbəkəsində fəaliyyət göstərənlərdir. Onların arasında təşkilatın gizli rabitə vasitəsi olan ByLock istifadəçiləri, ankesörlü telefonlar vasitəsilə əlaqə saxlayanlar və sosial mediada FETÖ təbliğatı aparanlar da var. Saxlanılan 121 nəfərdən 58-i barəsində həbs qərarı verilib, 29 nəfərə isə məhkəmə nəzarəti tətbiq olunub. Digər şəxslərlə bağlı proseslərin davam etdiyi bildirilib.
Nazir, həmçinin, əməliyyatlar zamanı haqqında qəti hökmlər olan və axtarışda bulunan şəxslərin də tutulduğunu qeyd edib. O, milli iradəyə qarşı qurulan tələlərin bir-bir dağıdıldığını, dövlətin bütövlüyünə və xalqın huzuruna təhdid yaradanlarla mübarizənin qətiyyətlə davam etdirildiyini vurğulayıb.
