BAKI, AzerVoice, Nailə Babazadə
Türkiyənin Daxili İşlər Naziri Ali Yerlikaya İstanbul, Ankara, İzmir, Diyarbakır və Balıkesir mərkəzli olmaqla 16 vilayətdə FETÖ terror təşkilatına qarşı keçirilən eyni vaxtlı əməliyyatlarda, aralarında hazırda dövlət vəzifəsində çalışan şəxslərin də olduğu 81 şübhəlinin saxlanıldığını açıqlayıb.
AzerVoice xəbər verir ki, nazir Yerlikaya sosial media hesabında etdiyi açıqlamada Türkiyə Polis Baş İdarəsi, KOM (Qaçaqmalçılıq və Mütəşəkkil Cinayətkarlıqla Mübarizə Şöbəsi) və Kəşfiyyat Rəisliyinin Baş Prokurorluqları ilə koordinasiyalı şəkildə fəaliyyət göstərdiyini bildirib. Gizli şahidlərdən əldə edilən rəqəmsal materiallar əsasında aparılan araşdırmalar nəticəsində İstanbul, Ankara, Diyarbakır, Balıkesir, Bilecik, Bursa, Erzincan, Hatay, İzmir, Kayseri, Kütahya, Manisa, Muğla, Sivas, Şanlıurfa və Rize şəhərlərində genişmiqyaslı əməliyyatlar həyata keçirilib.
Məlumata görə, saxlanılan şəxslərin təşkilatın gizli xəbərləşmə proqramı olan "ByLock" istifadəçisi olduqları, FETÖ ilə əlaqəli şirkətlərdə qeydiyyatlarının tapıldığı və təşkilatın "Emniyyət məhrəm strukturu" daxilində məsul səviyyədə fəaliyyət göstərdikləri müəyyən edilib. Nazir Yerlikaya həmçinin qeyd edib ki, şübhəlilərin təşkilati iyerarxiya daxilində hərəkət etdikləri və məsul olduqları emniyyət mənsubları ilə gizli görüşlər keçirdikləri təsbit olunub.
