BAKI, VOA, Nailə Babazadə
Türkiyə Milli Kəşfiyyat Təşkilatı (MİT) və Təhlükəsizlik Baş İdarəsinin (EGM) İstanbulda həyata keçirdiyi birgə əməliyyat nəticəsində terror aktı hazırlığında olan DHKP-C terror təşkilatının 4 üzvü saxlanılıb.
VOA xəbər verir ki, MİT-in İstanbuldakı qeyri-qanuni strukturlaşmalara qarşı apardığı kəşfiyyat işləri nəticəsində təşkilat üzvlərinin kritik nöqtələrə qarşı silahlı və bombalı hücum hazırlığında olduğu müəyyən edilib. Terrorçuların strateji hədəfləri hədəf aldığı aşkarlandıqdan sonra MİT və İstanbul Polis İdarəsi koordinasiyalı şəkildə hərəkətə keçib. 2026-cı il fevralın 25-də həyata keçirilən eyni vaxtlı basqınlar nəticəsində hücum planlaşdıran 4 terrorçu saxlanılaraq nəzarətə götürülüb.
Rəsmi açıqlamada həmçinin bildirilib ki, Türkiyənin təhlükəsizlik qurumları terror təşkilatlarına qarşı birgə əməliyyatları fasiləsiz davam etdirir. Bu çərçivədə 2026-cı il fevralın 3-də MLKP terror təşkilatına qarşı 22 əyalətdə genişmiqyaslı əməliyyat keçirilmişdi. İstanbuldakı DHKP-C hücrələrinin çökdürülməsi MİT və Polisin radikal solçu terror qruplaşmalarına qarşı effektiv əməkdaşlığının növbəti uğurlu nəticəsi kimi qiymətləndirilir.
