BAKI,VOA, Nailə Babazadə
Türkiyə Prezidenti Rəcəb Tayyib Ərdoğan Somali Prezidenti Həsən Şeyx Mahmud ilə bir araya gəlib.
VOA xəbər verir ki, Ərdoğan somalili həmkarını Dolmabağça ofisində rəsmi mərasimlə qarşılayıb. Nümayəndə heyətlərinin bir-birinə təqdim edilməsindən sonra iki lider təkbətkəb görüşə keçib.
Görüşdə Türkiyənin enerji və təbii sərvətlər naziri Alparslan Bayraktar,Türkiyə Milli Kəşfiyyat Təşkilatının (MİT) rəhbəri İbrahim Kalın, Prezident Administrasiyasının Kommunikasiya idarəsinin rəhbəri Burhanettin Duran və Prezidentin xarici siyasət və təhlükəsizlik məsələləri üzrə baş müşaviri Akif Çağatay Kılıç da iştirak ediblər. Danışıqlar zamanı iki ölkə arasındakı strateji əməkdaşlıq, enerji sahəsindəki layihələr və regional təhlükəsizlik məsələləri müzakirə olunub.
