BAKI,VOA, Fərid Mikayılov
Volodimir Zelenski Aİ-nin daha güclü olması üçün yeni üzvlərin qəbulunu təklif edərkən Türkiyənin ittifaq üçün strateji əhəmiyyət daşıdığını ön plana çıxarıb.
VOA xəbər verir ki, onun sözlərinə görə, Türkiyənin Aİ-yə mümkün qoşulması qurumun həm siyasi, həm də iqtisadi potensialını əhəmiyyətli dərəcədə artıracaq.
Zelenski çıxışında əlavə edib ki, Türkiyə ilə yanaşı Ukrayna, Norveç və Böyük Britaniya kimi dövlətlərin də ittifaqda təmsil olunması Aİ-ni daha təsirli geosiyasi gücə çevirə bilər.
Ukrayna lideri ölkəsinin Avropa İttifaqına inteqrasiya prosesinin sürətləndirilməsinin vacibliyini də vurğulayıb. Bununla yanaşı, ekspertlər hesab edir ki, xüsusilə Türkiyənin regional güc kimi artan rolu Aİ daxilində genişlənmə müzakirələrinə yeni impuls verə bilər.
Məlumata görə, bəzi Avropa dairələrində Aİ-nin gələcək kursu və genişlənmə strategiyası ilə bağlı fikir ayrılıqları davam edir. Buna baxmayaraq, Türkiyənin enerji, təhlükəsizlik və logistika baxımından oynadığı rol onun mümkün üzvlüyünü daha aktual edir.
