BAKI,VOA, Nailə Babazadə

Türkiyə Prezidenti Rəcəb Tayyib Ərdoğan Almaniya Prezidenti Frank-Valter Ştaynmaer ilə telefon görüşməsi keçirib. Kommunikasiya idarəsindən verilən məlumata görə danışıq zamanı Türkiyə Almaniya ikitərəfli münasibətləri ilə yanaşı regional və qlobal proseslər ətraflı şəkildə müzakirə edilib.

VOA xəbər verir ki, Prezident Ərdoğan görüşdə Türkiyə ilə Almaniya arasındakı əlaqələrin son dövrlərdə həyata keçirilən yüksək səviyyəli təmaslar sayəsində yaxşı bir sürət qazandığını ifadə edib. Regiondakı müharibənin artıq Avropanı da zəiflətməyə başladığını qeyd edən dövlət başçısı bu gedişata barışyönümlü yanaşma ilə müdaxilə edilməyəcəyi təqdirdə münaqişə prosesinin vuracağı zərərin daha böyük olacağını diqqətə çatdırıb.

Türkiyə lideri ölkəsinin İran məsələsində olduğu kimi Ukrayna Rusiya müharibəsində də qarşıdurmaların danışıqlar yolu ilə dayandırılması üçün çalışdığını vurğulayıb. O qalıcı sülhə nail olunması istiqamətində Türkiyənin göstərdiyi səylərin davam edəcəyini və beynəlxalq birliyin də bu prosesə dəstək verməsinin vacibliyini qeyd edib.