BAKI,VOA, Fərid Mikayılov
NATO baş katibi Mark Rutte Türkiyənin NATO daxilində mühüm mövqeyə malik olduğunu və güclü müdafiə potensialı ilə seçildiyini bildirib.
VOA xəbər verir ki, Rutte açıqlamasında Türkiyənin Alyans üçün son dərəcə vacib ölkə olduğunu vurğulayaraq, onun NATO-nun ən güclü ordularından birinə sahib olduğunu deyib.
NATO Baş katibi Türkiyə Silahlı Qüvvələrinin yüksək səviyyədə təchiz olunduğunu və peşəkar hazırlığa malik olduğunu qeyd edib.
O, həmçinin Türkiyənin inkişaf etmiş və geniş imkanlara malik müdafiə sənayesinin ölkənin əsas üstünlüklərindən biri olduğunu vurğulayıb.
