Almaniyanın “LEAV Aviation” aviaşirkətinə məxsus sərnişin təyyarəsinin çərşənbə günü Dəməşq Beynəlxalq Hava Limanına eniş etməsi ilə Düssekldorf şəhəri Suriya Ərəb Respublikası ilə birbaşa hava əlaqəsi yaradılan dördüncü Avropa şəhəri (Amsterdam, Buxarest və Moskvadan sonra) olub.
- Könül Xasıyeva sənətinin ərəb musiqisindəki dəqiq analoqu kimdir?
- Türkiyənin sabiq baş naziri Əhməd Davudoğlu siyasətlə vidalaşdı
- İsraildə parlament seçkilərində əsas iddiaçılar kimlərdir?
Bu reyslə vətəndaş müharibəsi səbəbindən Dəməşqin Rusiya paytaxtı istisna olmaqla, Avropa şəhərlərindən təcrid olunduğu təxminən 14 illik fasilədən sonra Almaniya ilə Suriya arasında birbaşa aviasiya marşrutu bərpa edilib.
Ən çox oxunan
“LEAV Aviation” aviaşirkəti 1 avqust tarixində Almaniyanın Kölən şəhəri ilə Suriyanın ikinci ən böyük hava limanına ev sahibliyi edən Hələb şəhəri arasında növbəti reysin həyata keçirilməsini planlaşdırıb.
ArabAZ xəbər verir ki, Suriya Ərəb Xəbər Agentliyinin (SANA) verdiyi məlumata görə, Almaniyanın digər bir aviaşirkəti olan “Sundair” isə 1 avqust tarixindən Berlin və Dəməşq, 1 oktyabr tarixindən isə Berlin və Hələb arasında birbaşa uçuşlara başlayacaq.
Suriya Mülki Aviasiya və Hava Nəqliyyatı Baş İdarəsi bildirir ki, yeni marşrutların suriyalılar və Almaniyadan bu ölkəyə səfər edən turistlər üçün əlavə səyahət imkanları yaradacağı gözlənilir. Qeyd edək ki, Almaniya Qərbi Avropada ən çox suriyalı qaçqına ev sahibliyi edən ölkədir; hazırda bu ölkədə ən azı 1 milyon suriyalı məskunlaşıb.
Keçən il Rumıniyanın “Dan Air” aviaşirkəti Buxarest-Dəməşq marşrutu üzrə uçuşlar həyata keçirməklə Avropa İttifaqından Suriyaya müntəzəm reysləri bərpa edən ilk hava daşıyıcısı olmuşdu.
2011-ci ildə başlayan və 2024-cü ilin dekabrında Prezident Bəşər Əsəd rejiminin süqutu ilə başa çatan Suriya vətəndaş müharibəsi iri aviaşirkətlərin bu ölkəyə olan uçuş marşrutlarını ləğv etməsinə və nəticədə Suriyanın dünyadan təcrid olunmasına gətirib çıxarmışdı. Suriyalılar digər ölkələrə getmək üçün quru yolu ilə sərhədi keçərək Livan və İordaniyadakı yaxın hava limanlarından istifadə etmək məcburiyyətində qalırdılar.
Suriya Prezidenti Əhməd əş-Şəraa bu ilin mart ayında Almaniya Kansleri Fridrix Merts və Prezident Frank-Valter Ştaynmayyer ilə görüşərək Berlinin sərmayə qoyuluşlarını və suriyalı qaçqınların ölkələrinə qaytarılması (repatriasiyası) səylərini müzakirə etmişdi.
