Bakı. AzerVoice:
İsrailin törətdiyi qətliamlar qarşısında ilk günlərdə neytral qalmağa çalışan Avropada seçicilərin fikirləri siyasətə dərindən təsir edib.
AzerVoice xəbər verir ki, Avropa Parlamentində seçkilər öncəsi İsrailyönlü partiyalara dəstək azalsa da, soyqırım əleyhinə çıxış edən solçu qruplara olan rəğbət güclənib. Fələstin tərəfdarı fikirlər ifadə edən partiyalar isə səs nisbətində artıma nail olublar.
“Reuters”də yer alan təhlilə görə, 36 min insanın ölümünə səbəb olan və beynəlxalq hüquqa məhəl qoymayan İsrailin əməlləri Avropadakı solçu partiyaların siyasətlərini yenidən formalaşdırıb. Mövzu ilə bağlı nümunələrin yer aldığı təhlildə Mərakeş-Pakistan əsilli alman siyasətçi Nader Aslamın fikir dəyişikliyinin ümumilikdə Avropa siyasətinə də yansıyacağı vurğulanıb. Nadir Aslam bu həftə keçiriləcək Avropa Parlamenti seçkilərində Yaşıllara səs verməyi planlaşdırırdı. Bunun əvəzində alman siyasətçi Fələstin tərəfdarı mövqeyi ilə tanınan yeni solçu Mera25 partiyasını dəstəkləyəcəyini deyib.
Hesabata görə, İsrailin Qəzzaya olan hərbi hücumlarını qınamamayan Avropanın HƏMAS-ın oktyabrın 7-də İsrailə hücumunu pisləməsi arasında ikili standart görən sol təmayüllü seçicilər öz səslərini Fələstin məsələsini dəstəkləyən və soqrıma qarşı çıxan müxalif siyasi təşkilatlara yönləndiriblər. Hollandiyanın Radboud Universitetinin sosioloqu Samira Azabar, "radikal sağ və radikal sol partiyaların artımını müşahidə edirik. Bu Avropadakı siyasi mənzərəni və bir çox partiyaların güc balansını yenidən formalaşdıracaq " dedi. Avropa siyasətində Qəzzada soyqırım. O, bu vəziyyətin blokun İsraillə bağlı mövqeyinə təsir göstərəcəyini və milli səviyyədə daha çox qərar qəbul etmə səlahiyyəti verən siyasətləri də təşviq edə biləcəyini söylədi.
