BAKI,VOA
Azərbaycanın paytaxtı aprel ayında növbəti möhtəşəm avtomobil tədbirinə ev sahibliyi etməyə hazırlaşır. 10-12 aprel tarixlərində "Park Bulvar" ticarət mərkəzində Azərbaycan Avtomobil Dilerləri Assosiasiyasının (AADA) təşkilatçılığı ilə "Yaponiya Avtomobilləri Festivalı" baş tutacaq.
Festival çərçivəsində Yaponiyanın dünya şöhrətli avtomobil brendlərinin ən son modelləri, klassik nümunələri və texnoloji yenilikləri nümayiş olunacaq. Tədbir həm sənaye peşəkarları, həm də avtomobil həvəskarları üçün unikal bir platforma rolunu oynayır.
VOA xəbər verir ki , Formula 1 üzrə azərbaycanlı şərhçi. Azerbaijan Grand Prix yarışının rəsmi səfiri Rahim Aliyev öz rəsmi “Facebook” səhifəsində festival girişin sərbəst olacağını bildirib.
Festivalın ən yadda qalan məqamlarından biri də tanınmış avtoidman həvəskarları və ekspertlərin iştirakı olacaq. Girişin tamamilə pulsuz olduğu bu tədbir bütün Bakı sakinlərini və qonaqlarını Yapon mühəndisliyinin inciləri ilə yaxından tanış olmağa çağırır.
