BAKI,AzerVoice
Bavariyanın idman direktoru Kristof Froynd verdiyi açıqlamada müdafiəçi Erik Dayerin mövsüm sonunda müqaviləsinin bitməsi ilə klubu tərk etmək qərarına gəldiyini bildirib.
AzerVoice xəbər verir ki, 31 yaşlı Dayer ötən ilin yanvarında Premyer Liqa təmsilçisi Tottenhemdə on il keçirdikdən sonra Bavariyaya icarə əsasında transfer olub.
2024-cü ilin yay transfer pəncərəsində Dayer müqaviləni daimi edib və 2025-ci ilin iyun ayına qədər sözləşmə imzalayıb.
“Erik ilə yeni müqavilə barədə danışıqlar apardıq. O, müqaviləni uzatmaq istəmədiyini və bizi tərk edəcəyini bildirdi” – deyə Froynd bildirib.
Qeyd edək ki, Dayer Bavariyada 45 oyun keçirib və iki qol vurub.
