Messi zədədən sonra meydana çıxdığı ilk oyunda qələbə qolunu vurub

“İnter Mayami” klubunun argentinalı hücumçusu Lionel Messi, əzələ zədəsindən sonra meydana çıxdığı ilk oyunda komandasına qələbə qazandırıb. ABŞ Peşəkar Futbol Liqasının (MLS) çempionat matçında “İnter Mayami” doğma meydanda “Los-Anceles Qalaksi”ni qəbul edib. Qarşılaşmanın 84-cü dəqiqəsində Messi hesabı dəyişərək komandasını irəli çıxarıb. Bir qədər sonra isə uruqvaylı Luis Suaresin vurduğu qolda məhsuldar ötürmə ilə yadda qalıb.

17 Avqust 2025 08:42

BAKI, AzerVoice, Səməd Əyyubov

“İnter Mayami” klubunun argentinalı hücumçusu Lionel Messi, əzələ zədəsindən sonra meydana çıxdığı ilk oyunda komandasına qələbə qazandırıb.

AzerVoice-un məlumatına görə, ABŞ Peşəkar Futbol Liqasının (MLS) çempionat matçında “İnter Mayami” doğma meydanda “Los-Anceles Qalaksi”ni qəbul edib. Qarşılaşmanın 84-cü dəqiqəsində Messi hesabı dəyişərək komandasını irəli çıxarıb. Bir qədər sonra isə uruqvaylı Luis Suaresin vurduğu qolda məhsuldar ötürmə ilə yadda qalıb.

Xatırladaq ki, ulduz futbolçu avqustun 3-də keçirilmiş Liqa Kubokunun “Nekaksa” ilə oyununda (2:2, penaltilərlə 5:4) zədələnmiş və iki matçı buraxmışdı.

Nəticədə “İnter Mayami” rəqibini 3:1 hesabı ilə məğlub edib. Bu qolla Messi MLS-in bombardirlər siyahısında 19 qolla təkbaşına lider mövqeyinə yüksəlib.

Hazırda “İnter Mayami” Şərq Konfransının turnir cədvəlində 24 oyundan sonra 46 xalla 4-cü pillədə qərarlaşıb. “Qalaksi” isə 26 görüşdən sonra cəmi 16 xal toplayaraq Qərb Konfransında sonuncu yerdədir.