Qarabağ dünya reytinqində 38 pillə yüksəlib
Beynəlxalq Futbol Tarixi və Statistikaları Federasiyasının (İFFHS) açıqladığı son dünya klublarının reytinq cədvəlində ağdam təmsilçisi 38 pillə yüksələrək 96-cı sıraya yerləşib. Azərbaycanın aparıcı futbol klubu Qarabağ beynəlxalq reytinqdə böyük irəliləyiş əldə edib.
Kasper Yulmann “Bayer”in baş məşqçisi təyin olunub
Kaspar Yulmann Almaniyanın “Bayer” klubunun baş məşqçisi təyin olunub. Məlumata görə, 53 yaşlı danimarkalı mütəxəssislə 2027-ci iyunun 30-dək müqavilə imzalanıb. Yulmann bu vəzifədə niderlandlı Erik ten Haqı əvəzləyib. Ten Haqın rəhbərliyi altında “Bayer” üç rəsmi oyun keçirib. Onlardan biri qələbə, biri heç-heçə, biri isə məğlubiyyətlə nəticələnib.
"Beşiktaş" "Volfsburq"un oyunçusu ilə razılığa gəlib
Türkiyənin “Beşiktaş” klubu Almaniyanın “Volfsburq” komandasında çıxış edən 27 yaşlı çexiyalı cinah oyunçusu Vatslav Çernı ilə razılığa gəlib. Futbolçu ilə 3+1 illik müqavilə imzalanacaq. Keçid üçün “Beşiktaş”ın 6–7 milyon avro civarında ödəniş edəcəyi və bu məbləği 2029-cu ilə qədər hissə-hissə ödəyəcəyi bildirilib. Hazırda Çexiya millisinin düşərgəsində olan Çernı bu gün İstanbula gələrək tibbi müayinədən keçəcək və müqaviləyə imza atacaq. “Beşiktaş” oyunçunun bu axşam yerli vaxtla saat 23:05-də (Bakı vaxtı ilə 00:05-də) İstanbulda olacağını açıqlayıb.
İngiltərə çempionatı: "Liverpul" "Arsenal"ı məğlub edib
“Liverpul” İngiltərə çempionatının üçüncü turunda öz meydanında “Arsenal” üzərində 1:0 hesablı qələbə qazanıb. Oyunun yeganə qolunu 83-cü dəqiqədə Macarıstanlı yarımmüdafiəçi Dominik Soboslai cərimə zərbəsindən birbaşa vuraraq komandasına qələbə qazandırıb. “Arsenal” artıq 13 ildir ki, İngiltərə çempionatında Enfilddə “Liverpul”u məğlub edə bilmir. London klubu son dəfə rəqibini səfərdə 2012-ci il sentyabrın 2-də 2:1 hesabı ilə üstələyib. Bununla belə, 2020-ci ildə “Arsenal” Liqa Kubokunun 1/8 finalında “Liverpul”u penaltilərlə mübarizədən kənarlaşdırmışdı. Həmin görüşdə əsas vaxt 0:0 hesabı ilə başa çatmış, penaltilər seriyasında isə London təmsilçisi 5:4 hesabı ilə qalib gəlmişdi.
Gənc futbolçu İbrahim Babayev "Barselona"da oynayacaq
Azərbaycanlı gənc futbolçu İbrahim Babayev İspaniyanın "Barselona" klubuna keçib. Gənc futbolçu "Barselona"nın gənclər komandasında çıxış edəcək. "Bu əlamətdar hadisə onun karyerasında yeni səhifə və Azərbaycan üçün qürurverici nailiyyətdir" - deyə, iş adamı Adnan Əhmədzadə "Instagram" səhifəsində yazıb.
"Qarabağ" "Ferensvaroş"a qarşı: Start heyətlər
UEFA Çempionlar Liqasının pley-off mərhələsində Bakıda "Qarabağ"la "Ferensvaroş" (Macarıstan) arasında keçiriləcək cavab oyun üçün start heyətlər açıqlanıb. komandalar bu gün Tofiq Bəhramov adına Respublika Stadionunda saat 20:45-da start götürəcək matçda meydana aşağıdakı heyətlərlə çıxacaqlar.
FIFA Klublararası Dünya Çempionatının hər iki ildən bir keçirilməsi gündəmdədir
FİFA klublararası dünya çempionatının formatını dəyişməyi planlaşdırır. "The Guardian" nəşrinin məlumatına görə, 2029-cu ildən etibarən turnirin hər iki ildən bir keçirilməsi məsələsi gündəmə gətiriləcək.
Messi zədədən sonra meydana çıxdığı ilk oyunda qələbə qolunu vurub
“İnter Mayami” klubunun argentinalı hücumçusu Lionel Messi, əzələ zədəsindən sonra meydana çıxdığı ilk oyunda komandasına qələbə qazandırıb. ABŞ Peşəkar Futbol Liqasının (MLS) çempionat matçında “İnter Mayami” doğma meydanda “Los-Anceles Qalaksi”ni qəbul edib. Qarşılaşmanın 84-cü dəqiqəsində Messi hesabı dəyişərək komandasını irəli çıxarıb. Bir qədər sonra isə uruqvaylı Luis Suaresin vurduğu qolda məhsuldar ötürmə ilə yadda qalıb.
"Qalatasaray" Davinson Sançes ilə müqaviləni uzadıb
Türkiyənin “Qalatasaray” klubu müdafiəçi Davinson Sançes ilə müqaviləni uzadıb. Bildirilib ki, peşəkar futbolçunun müqaviləsi 2028–2029 mövsümünün sonuna qədər qüvvədə qalacaq.
FIFA “Çelsi”ni birbaşa Klublararası Dünya Çempionatına göndərə bilər
Beynəlxalq Futbol Federasiyası (FIFA) İngiltərənin “Çelsi” klubunu 2029-cu ildə keçiriləcək Klublararası Dünya Çempionatına birbaşa vəsiqə ilə təmin edə bilər. FIFA bu yay qarşıdan gələn turnir üçün yeni təsnifat sistemini müəyyənləşdirməyi planlaşdırır.
“Kristal Pelas” Avroliqadan kənarlaşdırılmasına görə məhkəməyə apellyasiya verib
İdman Arbitraj Məhkəməsi (CAS) İngiltərənin “Kristal Pelas” futbol klubunun 2025-2026 mövsümündə Avropa Liqasından kənarlaşdırılması ilə bağlı apellyasiya şikayətini qeydə alıb.
FIFA Klublar Dünya Kubokunun ən uğurlu komandası – Real Madrid
Real Madrid, FIFA Klublar Dünya Kubokunun tarixində 5 dəfə çempion olaraq bu turnirin ən uğurlu komandası kimi önə çıxır.
