BAKI, AzerVoice, Səməd Əyyubov
FİFA klublararası dünya çempionatının formatını dəyişməyi planlaşdırır.
AzerVoice xəbər verir ki, "The Guardian" nəşrinin məlumatına görə, 2029-cu ildən etibarən turnirin hər iki ildən bir keçirilməsi məsələsi gündəmə gətiriləcək.
Xatırladaq ki, bu ilin yayında ABŞ-da ilk dəfə yeni formatda keçirilən çempionatda 32 komanda iştirak edib. Finalda İngiltərənin “Çelsi” klubu Fransanın “Paris Sen-Jermen”ini 3:0 hesabı ilə məğlub edib.
Bu ideya ilk olaraq “Real Madrid” tərəfindən irəli sürülüb. Təşəbbüsə həmçinin “Barselona”, “Mançester Yunayted”, “Liverpul” və “Napoli” kimi klublar da dəstək verib. Qeyd edək ki, bu komandaların heç biri 2025-ci il turnirinə vəsiqə qazana bilməmişdi.
Məlumata görə, 2027-ci ildə çempionatın təşkili gündəmdə deyil. FİFA yalnız 2029 və ya 2031-ci ildən başlayaraq turnirin təkrar keçirilməsini nəzərdən keçirir. Bununla belə, plan futbol liqaları və oyunçu həmkarlar ittifaqları ilə ziddiyyətə səbəb ola bilər. FIFPro artıq FİFA prezidenti Canni İnfantinonu oyunçular üçün həddən artıq sıx oyun təqvimi və qəbuledilməz şərtlərə görə sərt şəkildə tənqid edib.
