BAKI, AzerVoice, Nailə Babazadə

UEFA Avropa Liqasının 6-cı həftəsində Fənərbaxça Norveç klubu Brann ilə səfərdə qarşılaşacaq.

AzerVoice xəbər verir ki, Bergen şəhərində yerləşən Brann Stadionunda keçiriləcək görüş 00:00-da start götürəcək.

Matçı Fransa Futbol Federasiyasından olan hakim Villi Delajod idarə edəcək, ona Ervan Finjean və Valentin Evrar kömək edəcəklər.

UEFA Avropa Liqasında keçirdiyi 5 qarşılaşmada 2 qələbə, 2 heç-heçə və 1 məğlubiyyət yaşayan Fənərbaxça 8 xal toplayaraq 20-ci sırada qərarlaşıb.

Qazandığı 2 oyunu evdə keçirən Fənərbaxça səfərdəki 2 matçda isə Dinamo Zaqrebə 3–1 uduzub, Viktoriya Plzenlə 0–0 heç-heçə edib.

Norveç təmsilçisi Brann da oxşar nəticələr göstərib. Komanda evdə keçirdiyi oyunlarda Utrexti 1–0, Reyncersi isə 3–0 məğlub edib, amma səfərdə qələbə qazana bilməyib. Brann Lillə 2–1 uduzub, Bolonya ilə 0–0, PAOKla isə 1–1 heç-heçə edib.

5 qarşılaşmada 2 qələbə, 2 heç-heçə və 1 məğlubiyyət əldə edən Brann 6 qol vurub, qapısından isə 3 qol buraxıb.