BAKI,VOA, Fərid Mikayılov
Azərbaycanın UEFA Avropa Liqasındakı təmsilçisi "Qarabağ" bu gün II təsnifat mərhələsinin cavab oyununda Bolqarıstanın CSKA (Sofiya) komandası ilə üz-üzə gələcək.
VOA xəbər verir ki, qarşılaşma Sofiyadakı Vasil Levski adına Milli Stadionda keçiriləcək və Bakı vaxtı ilə saat 22:00-da başlayacaq.
Oyunu Belçikadan olan baş hakim Bram van Drişe idarə edəcək. Ona Mişel Seldreyers və İv de Neve kömək edəcəklər. Dördüncü hakim funksiyasını Kevin van Damm, VAR hakimi vəzifəsini isə Bert Put, AVAR hakimi vəzifəsini Uesli de Kremer yerinə yetirəcək.
Görüş "CBC Sport" televiziya kanalı vasitəsilə canlı yayımlanacaq.
Qeyd edək ki, komandalar arasında Bakıda keçirilən ilk qarşılaşma 0:0 hesablı heç-heçə ilə başa çatıb. Bu səbəbdən Sofiyadakı oyunun qalibi UEFA Avropa Liqasının III təsnifat mərhələsinə yüksələcək.
