Səudiyyə Ərəbistanında yeni tədris ilinin başlaması ilə əlaqədar təhsillə bağlı xərclərin iki dəfədən çox artması fonunda 22 avqustda başa çatan həftə ərzində ümumi istehlak xərcləri 3.8 milyard dollar səviyyəsində qərarlaşıb. Səudiyyə Ərəbistanı Mərkəzi Bankının (SAMA) rəsmi məlumatlarına görə, qeyd olunan həftədə POS terminallar vasitəsilə həyata keçirilən əməliyyatların ümumi dəyəri əvvəlki həftə ilə müqayisədə cüzi (0.1 faiz) azalaraq 14.17 milyard Səudiyyə riyalı (3.78 milyard dollar) təşkil edib; əməliyyatların sayı isə 4.9 faiz azalaraq 237.35 milyona düşüb.
Top-10 texnologiya nəhəngi sırasına doğru - Ər-Riyadda möhtəşəm Rəqəmsal Bölgə yaradılır
Ümumi xərclərdəki sabitlik fonunda təhsil xərclərində kəskin sıçrayış qeydə alınıb. Belə ki, təhsillə bağlı POS əməliyyatlarının dəyəri həftəlik müqayisədə 133.9 faiz artaraq 1.04 milyard riyala çatıb, əməliyyatların sayı isə 55.7 faiz çoxalıb.
İqtisadçı Tələt Hafiz bildirib ki, təhsil xərclərindəki bu kəskin artım tamamilə təbiidir və "məktəbə qayıdış" mövsümünün güclü təsirini əks etdirir: "Məktəb ləvazimatları, geyim, elektronika, nəqliyyat və digər xidmətlər üzrə xərclərin artması mövsümi xarakter daşıyır. Bu artım yaxın həftələrdə pərakəndə ticarətə və istehlak aktivliyinə qısamüddətli təkan verəcək. Əsas məsələ təhsil mövsümündən sonra da istehlakçı inamının və ailə xərclərinin güclü qalıb-qalmayacağıdır".
Səudiyyə Ərəbistanında həftəlik xərclər 3.79 milyard dollar - Təhsil xərcləri 63% artdı
Sektorlar üzrə xərclər
Qida və içki: Həftəlik 4.1 faiz azalma ilə 2.11 milyard riyal.
Restoran və kafelər: 8.6 faiz azalma ilə 1.67 milyard riyal.
Geyim və aksessuarlar: 1.7 faiz artımla 1.26 milyard riyal.
Nəqliyyat və yanacaqdoldurma: Nəqliyyat xərcləri 1.04 milyard riyal, yanacaqdoldurma məntəqələrindəki xərclər isə 960.41 milyon riyal.
Səhiyyə və peşəkar xidmətlər: Səhiyyə sektoru 798.52 milyon riyal, biznes və peşəkar xidmətlər 800.66 milyon riyal.
Kitab və dəftərxana: Həftəlik 30.2 faiz artaraq 155.18 milyon riyal təşkil edib.
Şəhərlər üzrə bölgü
İstehlak xərclərində paytaxt Ər-Riyad liderliyini qoruyub; paytaxtda xərclər 6 faiz artaraq 5.13 milyard riyala yüksəlib (77.93 milyon əməliyyat). Ciddədə xərclər 4.4 faiz azalaraq 1.80 milyard riyal (26.22 milyon əməliyyat) olub.
Dammamda xərclər 9.3 faiz artımla 712.78 milyon riyala, Məkkədə 534.04 milyon riyala, Mədinədə 519.31 milyon riyala, Əl-Xubarda isə 11.5 faiz artımla 426.43 milyon riyala çatıb. Bureydədə 345.52 milyon riyal, Abhada isə 225.43 milyon riyallıq xərcləmə qeydə alınıb; Abha 14.4 faizlik azalma ilə şəhərlər arasında ən böyük enişi göstərib.
