Bakı, AzerVoice
Azərbaycan Dövlət Neft Şirkəti (SOCAR) və İtaliyanın Eni S.p.A. enerji keçidinə dair anlaşma memorandumu imzalayıb.
AzerVoice-a görə, bu barədə çərşənbə axşamı Azərbaycanın iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
“SOCAR və Eni S.p.A. arasında imzalanmış enerji layihələri və enerji keçid təşəbbüsləri üzrə əməkdaşlığa dair Anlaşma Memorandumu Azərbaycanın enerji sektorunda enerji təhlükəsizliyinin gücləndirilməsinə və innovativ həllərin təşviqinə yönəlib”, - bu barədə iqtisadiyyat naziri, SOCAR-ın Müşahidə Şurasının sədri bildirib.
