BAKI, AzerVoice
İsrailin xarici işlər naziri Gideon Saarın “Türkiyə Suriyanı öz müstəmləkəsinə çevirmək istəyir” fikri, İsrailin bölgədə artan türk nüfuzuna qarşı narahatlığının birbaşa ifadəsidir.
AzerVoice xəbər verir ki, bu bəyanat yalnız diplomatik ritorika deyil, bölgədəki yeni güc balanslarının formalaşmaqda olduğunun göstəricisidir.
Türkiyə uzun müddətdir ki, Suriyanın şimalında öz nüfuz zonasını qurmağa çalışır. Hərbi əməliyyatlar, yerli silahlı qrupların dəstəklənməsi, infrastruktur layihələri və türk valyutasının bölgədə dövriyyəyə buraxılması Ankaranın strateji dərinlik siyasətinin tərkib hissəsidir.
Ankaranın bu addımlarından sadəcə ərəb ölkələri deyil eyni zamanda İsrail də narahat olmaqdadır. Belə ki İsraildən fərqli olaraq hələ ki, ərəb ölkələri Ankara əleyhinə hər hansı bir addım ata bilmirlər.
İsrailin narahat olduğu məqamlara gəlincə isə bu , ilk nöbvədə HƏMAS-Türkiyə əlaqələridir.
Türkiyə-HƏMAS əlaqələri – Ankara uzun illərdir HƏMAS-ı siyasi və qismən də maliyyə baxımından dəstəkləyir. İsrail isə bunu birbaşa təhlükə kimi qəbul edir.
Digər tərəfdən İran və Türkiyənin paralel təsir cəhdləri – İsrail Suriyanı artıq yalnız İranın deyil, eyni zamanda Türkiyənin də təsir dairəsinə düşməkdə görür. Bu isə ölkə üçün ikitərəfli təhdid kimi qəbul edilir.
