Bakı,AzerVoice
Alimlər müəyyən ediblər ki, sirli bir enerji partlayışı qırmızı ulduzdan və ölü ulduzun qalığından gələ bilər.
Astronomlar uzun müddətdir ki, radio dalğaları yayan partlayışın növünü anlamağa çalışırlar.
Normalda ərazidən ardıcıl partlayışlar arasında bir neçə saniyə və ya daha az vaxt olur.
Lakin 2006-cı ildən partlayışlar arasındakı vaxtın bir neçə dəqiqədən bir neçə saata qədər dəyişə biləcəyi hadisələr aşkar edilməyə başlanıb.
Uzunmüddətli radio keçidləri adlanan bu hadisələr təxminən 20 ildir ki, elm adamlarını çaşdırır və onlar bu fasiləli partlayışlarda radio dalğalarının necə əmələ gəldiyini anlamağa çalışırlar.
Bunlar ümumiyyətlə qalaktikanın izdihamlı bölgələrində göründüyü üçün onların hansı obyektdən gəldiyini anlamaq çətin məsələdir.
Yeni araşdırmada, daha az göy cismini ehtiva edən Samanyolu kənarından gələn uzun müddətli radio ötürülməsi araşdırılıb.
GLEAM-X J0704-37 adlanan bu hadisədə 30-60 saniyə davam edən partlayışlar hər üç saatdan bir baş verir. Uzunmüddətli radio tranzit hadisələri arasında GLEAM-X J0704-37, ardıcıl partlayışlar arasında ən uzun müddətə malik olmaq üzrə rekorda sahibdir.
Cənubi Afrikadakı MeerKAT teleskoplarından və Çilidəki Cənubi Astrofizika Tədqiqat teleskoplarından istifadə edən elm adamları GLEAM-X J0704-37-nin M tipli ulduz kimi tanınan qırmızı ulduzdan gəldiyini müşahidə etdilər.
"M tipli ulduzlar Günəşin kütləsi və parlaqlığının bir hissəsinə sahib olan kiçik kütləli ulduzlardır. Süd Yolundaki ulduzların 70 faizini təşkil etsələr də, onların heç biri adi gözlə görünmür",- deyə tədqiqatın müəllifi Hurley-Walker, deyib.
Məlumatları yenidən araşdıran komanda, qırmızı udluzun ikili sistemdə yerləşdiyini müəyyən edib. Tədqiqatçılar digər obyektin ağ ulduz olduğunu təxmin edirlər.
Alimlər bildiriblər ki, sistemdəki güclü maqnit sahələri müntəzəm enerji partlayışlarına səbəb olur.
Komanda hazırda bu sistemi yoxlamaq və onun radio dalğalarını necə istehsal etdiyini anlamaq üçün işini davam etdirir.
Onlar həmçinin teleskopların köhnə müşahidələrində GLEAM-X J0704-37-yə bənzər partlayışlar tapmağı ümid edirlər.
