Bakı. AzerVoice:

Yay aylarının gəlişi ilə kondisioner istifadəsinin artması enerji istehlakını və ətraf mühitə vurulan ziyanı də artırır.

AzerVoice xəbər verir ki, evlərdə ən az iki kondisionerin olması enerjidən intensiv istifadəni artırır.

Bu gün soyutma üçün istifadə olunan enerji miqdarının 2050-ci ildə təxminən üç dəfə artacağı gözlənilir.

Qeyd edək ki, enerji istifadəsinə nəzarət etmək son dərəcə çətindir. Avropa Birliyinin müxtəlif ölkələrində bu məsələyə qarşı fərqli tədbirlər görülməyə başlanıb. Məsələn, Fransada dövlət binalarda istilik 26 dərəcəni aşacağı təqdirdə kondisionerin istifadəsinə icazə verilir.

Kondisionerlər üçün istifadə olunan enerjinin böyük ölçüdə istilik elektrik stansiyaları tərəfindən qarşılandığı nəzərə alsaq bunu iqlimə, təbiətə böyük ziyan vurduğunu deyə bilərik.

Bunun qarşısını almağın ən vacib yollarından biri binaların izolyasiyasıdır. Düzgün bir izolyasiya sistemi ilə binalarda daha az kondisioner istifadə edilə bilər. Buna görə də tikinti işlərində yüksək keyfiyyətli vasitələrlə müsair texnoloji üsullardan istifadə edilməlidir.

Onu da qeyd edək ki, binaların bir-birinə yaxın olması və kondisionerlərin xarici bloklarının yaratdığı istilik səbəbindən şəhərlərdə “termal adalar” formalaşmağa başlayır. Binalar arasındakı boşluqların mümkün qədər açıq saxlanması və şəhər yerlərində daha çox yaşıl ərazilərin olması bu termal adaların meydana gəlməsinin qarşısını ala bilər.