BAKI,VOA, Fərid Mikayılov

İran rəsmisi atəşkəs rejiminə baxmayaraq hərbi hazırlığın davam etdiyini bildirib.

VOA xəbər verir ki, İran Ordusunun sözçüsü Məhəmməd Ekreminiya ABŞ ilə əldə olunan atəşkəsin ölkələri üçün faktiki olaraq müharibə şəraitindən fərqlənmədiyini açıqlayıb.

Məlumata əsasən, o, televiziya çıxışında İran Silahlı Qüvvələrinin hər zaman döyüş hazırlığında olduğunu vurğulayıb.

Qeyd olunub ki, sözçü mövcud şəraitlə əlaqədar olaraq bu il ənənəvi hərbi paradın keçirilməyəcəyini, bunun əvəzinə yüksək rütbəli komandirlərin ictimaiyyət qarşısında çıxış edəcəyini bildirib.

Bildirilib ki, İran Ordusunun Baş Komandanı Əmir Hatəmi hərbçilərə ölkəyə mümkün quru hücumu halında sərt cavab verilməsi barədə göstəriş verib.

Məlumata görə, çıxış zamanı İsfahanda ABŞ qüvvələrinin qarşısının alınması ilə bağlı hadisəyə də toxunulub və həmin əməliyyatda iştirak edən hərbçilərin fəaliyyəti qeyd edilib.