BAKI,VOA, Fərid Mikayılov
İranın xarici işlər naziri Abbas Əraqçi ABŞ-la münaqişənin həlli üçün “ədalətli və hərtərəfli razılaşma”ya hazır olduqlarını bildirib.
VOA xəbər verir ki, Əraqçi bu barədə Çin xarici işlər naziri ilə görüşü zamanı danışıb və müharibəni beynəlxalq hüququn pozuntusu kimi qiymətləndirib.
Nazir vurğulayıb ki, İran yalnız ədalətli şərtlər əsasında razılaşmanı qəbul edə bilər və ABŞ tərəfinin yanaşmasında dəyişiklik olacağı təqdirdə danışıqlar davam etdirilə bilər.
Bununla yanaşı, İran tərəfi Çinə göstərdiyi dəstəyə görə təşəkkür edib və iki ölkə arasında əməkdaşlığın inkişaf etdiriləcəyini bildirib.
