BAKI,VOA, Fərid Mikayılov

İranın xarici işlər naziri Abbas Əraqçi Hindistanın paytaxtı Yeni Dehlidə keçirilən BRIKS Xarici İşlər Nazirləri Toplantısında mühüm bəyanatlarla çıxış edib.

VOA xəbər verir ki, nazir ölkəsinin regional siyasəti, beynəlxalq təzyiqlər və diplomatiya xətti barədə Tehranın rəsmi mövqeyini diqqətə çatdırıb.

Nazir bəyan edib ki, İranla bağlı heç bir problemin hərbi yolla həlli mövcud deyil. O, İran həm öz azadlığını və ərazi bütövlüyünü qorumaq üçün döyüşməyə hazır olduğunu, həm də diplomatiya yolunu izləməyə davam edəcəyini bildirib.

İran xalqının sülhsevər olduğunu və müharibə istəmədiyini deyən nazir, silahlı qüvvələrin istənilən xarici təcavüzə qarşı "dağıdıcı intiqam" almağa hər zaman hazır olduğunu xatırladıb.

Əraqçi BRIKS üzvlərini və beynəlxalq birliyi ABŞ və İsrailin İrana qarşı "qanunsuz təcavüzünü" qınamağa və beynəlxalq institutların siyasiləşdirilməsinin qarşısını almağa çağırıb.