BAKI,VOA Yusif Şərifzadə
Beynəlxalq Enerji Agentliyinin (IEA) rəhbəri Fatih Birol bildirib ki, İran ətrafında ABŞ-İsrail gərginliyi və Hörmüz boğazının blokadası səbəbindən dünyada kommersiya neft ehtiyatları sürətlə azalır və cəmi bir neçə həftəlik ehtiyat qalıb.
VOA xəbər verir ki, bu açıqlama Fransanın paytaxtı Parisdə keçirilən “G7” maliyyə liderlərinin toplantısında verilib.
Fatih Birol jurnalistlərə deyib ki, strateji neft ehtiyatlarının bazara buraxılması gündəlik neft təchizatını 2,5 milyon barel artırsa da, bu ehtiyatlar “sonsuz deyil”. O əlavə edib ki, şimal yarımkürəsində yaz əkin mövsümü və yay səyahət dövrünün başlanması dizel, gübrə, aviasiya yanacağı və benzində tələbatı artıracaq, bu isə ehtiyatların daha sürətli tükənməsinə səbəb olacaq.
Birol qeyd edib ki, kommersiya ehtiyatları “bir neçə həftə” kifayət edə bilər, lakin “sürətlə azaldığı reallığını nəzərə almaq lazımdır.”
