BAKI,VOA, Fərid Mikayılov
İran parlamentinin sədri Məhəmməd Baqir Qalibaf yenidən bu vəzifəyə seçilib.
VOA xəbər verir ki, bu gün parlamentdə keçirilən səsvermədə Qalibaf 12-ci çağırış parlamentində üçüncü dəfə ardıcıl olaraq sədr seçilib. Səsvermədə 270-dən çox deputat iştirak edib və İran parlamentinin ümumi 285 deputatı var.
Qalibaf 11-ci çağırış parlamentində də dörd il ardıcıl olaraq sədr vəzifəsini tutmuşdu. Qeyd edək ki, İranda parlament sədri, parlamentin rəyasət heyətinin üzvləri və müxtəlif komitələrin üzvləri illik olaraq deputatlar tərəfindən may ayının sonlarında seçilir.
Bundan əlavə, Məhəmməd Baqir Qalibaf İran və ABŞ arasında aparılan müzakirələrdə İran nümayəndə heyətinə rəhbərlik edir.
