BAKI,VOA, Fərid Mikayılov

İran parlamentinin sədri Məhəmməd Baqir Qalibaf ABŞ-ı Qeşm adasında dinc sakinlərin ölümünə səbəb olan raket zərbələrinə görə sərt tənqid edib və Vaşinqtonun bunun əvəzini ödəyəcəyini bildirib.

VOA xəbər verir ki, o bildirib ki, ABŞ hər gün yeni cinayətlər törədir və Qeşm adasında yaşayış evlərinin hədəfə alınması Minab və Lamerdə baş verən hücumların davamıdır.

"Amerikalılar döyüş meydanında aldıqları zərbələrin əvəzini günahsız insanların qanını tökməklə çıxmağa adət ediblər. Onlar bunun əvəzini mütləq ödəyəcəklər", – deyə Qalibaf vurğulayıb.

Məlumata görə, ABŞ iyulun 30-da İranın cənubundakı bir sıra bölgələrə, o cümlədən Qeşm adasına, Buşəhr, Fars və Xuzistan əyalətlərindəki hədəflərə raket zərbələri endirib.

İran tərəfinin məlumatına əsasən, ən ağır zərbə Qeşm adasının Çah Tangu məhəlləsində yerləşən yaşayış evinə dəyib. Nəticədə bir ailənin üç üzvü – ata, ana və övladlarından biri həlak olub, digər iki uşaq isə yaralanaraq xəstəxanaya yerləşdirilib.