İsrailin Baş naziri Benyamin Netanyahu ABŞ Prezidenti Donald Trampın Tehrana qarşı başlatdığı ən böyük maliyyə həmləsini dəstəkləyərək İranı idarə edən qrupla diplomatik razılaşmaya gəlməyin qeyri-mümkün olduğunu bəyan edib. Vaşinqtona son səfəri zamanı Prezident Trampla İranla diplomatiya imkanlarını müzakirə etdiyini qeyd edən Netanyahu bu barədə: "Lakin oradakı həmin qrupla, bu vəhşilərlə bir razılaşmaya nail olmağın mümkünlüyünə şübhə ilə yanaşıram. Sizə deyirəm, heç bir razılaşma əldə etmək mümkün deyil".-deyə bildirib.

Türkiyə İsrail təyyarəsini vursaydı nə baş verərdi?
İsraildə 27 Oktyabr seçkiləri - Liberal demokratiya ilə dindar-mühafizəkar model arasında tarixi seçim olacaq

İranla diplomatiyanın səmərəliliyinə hər zaman şübhə ilə yanaşan Netanyahu, 2015-ci ildə ABŞ-nin ozamankı prezidenti Barak Obamanın vasitəçiliyi ilə əldə edilmiş nüvə sazişinə qarşı açıq kampaniyaya rəhbərlik edirdi.Tramp danışıqlar yolu ilə nizamlanmaya nail olmağa çalışarkən Netanyahu onu tənqid etməkdən çəkinirdi.

Hər iki lider 28 fevral tarixində İrana qarşı birgə hücuma başlamışdı; daha sonra Tramp neft qiymətlərinin kəskin artmasına səbəb olan müharibəyə qarşı ABŞ daxilindəki geniş ictimai etirazlar fonunda aprel ayında atəşkəsə razılıq vermişdi.

Bazar ertəsi günü Tramp illərdir iqtisadi sanksiyalardan əziyyət çəkən İran iqtisadiyyatını məhv etmək məqsədilə ən böyük maliyyə həmləsini elan etdi; lakin Tehranın onun tələblərini qəbul etməkdən imtina etməsinin yaratdığı narazılığa baxmayaraq, genişmiqyaslı müharibəni bərpa etməkdən yayındı.

Beyrut sui-qəsdlərindən Suriya qətliamlarına qədər - Hizbullahın 40 illik cinayət xronikası

Trampın rəhbərlik etdiyi iqtisadi təzyiq kampaniyasını dəstəklədiyini bildirən Netanyahu, bu "üçüncü variant" barədə ABŞ Prezidentinə məlumat verdiyini və onun bu yolda "olduqca qətiyyətli addımlar atdığını" vurğulayıb.

Netanyahu Trampın təkcə İranın özünü hədəfə almadığını, həm də "bu rejimə, bu qorxunc diktaturaya kömək edənlərə qarşı blokadanı sərtləşdirmək" qərarına gəldiyini və bunun olduqca mühüm addım olduğunu qeyd edib.

Netanyahu illərdir ABŞ-ni Livandakı "Hizbullah" və Fələstinin "HƏMAS" hərəkatını dəstəkləyən İrana zərbə endirməyə çağırırdı.

Bazar ertəsi günü Vaşinqton İrana təzyiq göstərmək məqsədilə yeni sanksiyalar tətbiq etdiyini açıqlayıb; Maliyyə naziri Skott Bessent isə "İranı iqtisadi cəhətdən boğmaqla" hədələyib.

ABŞ-nin bu yeni sanksiyalarının dekabr və yanvar aylarında genişmiqyaslı hökumət əleyhinə etirazlara səbəb olan illərlə davam edən cilovsuz inflyasiyadan sonra ölkədə daha böyük iqtisadi çətinliklər yaradacağı gözlənilir.