BAKI,VOA,Vüsalə Əzimzadə
Hörmüz boğazından keçən yük gəmilərinin sayı son günlərdə əhəmiyyətli dərəcədə azalıb.
Bu barədə VOA məlumat verir ki,çərşənbə günü boğazdan cəmi 6 əmtəə daşıyan gəmi keçib. Bu göstərici əvvəlki gün qeydə alınan 11 gəmidən xeyli azdır.
Kpler məlumatlarına əsasən, son 10 gün ərzində Hörmüz boğazından gündə orta hesabla 13 gəmi keçib. Son göstərici bu orta səviyyədən də əhəmiyyətli dərəcədə aşağıdır.
Boğazdan keçən 6 gəmi arasında iki iri qazdaşıyan tanker, iki uzunməsafəli tanker, bir “Supramax” və bir “Panamax” tipli tanker olub.
Mütəxəssislər bildirirlər ki, bəzi gəmilər boğazdan keçərkən transponderlərini söndürdüyü üçün faktiki keçid sayı daha yüksək ola bilər.
