Bakı, AzerVoice:
Biz öz döyüş gəmilərini dizayn və inşa edə bilən 10 ölkə arasındayıq.
AzerVoice xəbər verir ki, bunu Türkiyə prezidenti Rəcəb Tayyib Ərdoğan “EFES - 2024” çoxmillətli təliminin "Yüksək Səviyyəli Müşahidəçi Günü"ndə deyib.
“Dünyanın ilk PUA gəmisi TCG Anadolu, pilotsuz döyüş təyyarəsi KIZILELMA, 5-ci nəsil milli döyüş təyyarəmiz KAAN, AKINCI, AKSUNGUR, ANKA-3 və bir çox başqa imkanlarla özümüzü daim təkmilləşdirməyə çalışırıq”, - deyə o bildirib.
Quru, dəniz və hava qüvvələrinin öz səriştəsi, əməliyyat imkanları və yüksək səviyyəli hazırlığı ilə düşmənlərdə qorxu, dostlarda inam yaratdığını vurğulayıb.
Bundan başqa, Ərdoğan müdafiə sənayesində malik olduqları imkanları müttəfiqləri ilə bölüşməkdən məmnun qalacaqlarını qeyd edib.
Qeyd edək ki, təlimdə 45 müxtəlif ölkədən 11 minə yaxın personal iştirak edir.
