Bakı, AzerVoice
İsrail fanatik yəhudilərlə bağlı ölçü götürməlidir.
AzerVoice xəbər verir ki, bunu ABŞ Dövlət Departamentinin sözçüsü Metyu Miller deyib.
O qeyd edib ki, ABŞ işğal olunmuş İordan çayının qərb sahilində qanun pozuntularına yol vermiş israillilər üçün yeni viza məhdudiyyətləri elan edib və Tel-Əvivi ərəblərə qarşı zorakılıq tətbiq edən radikal-fanatik yəhudilərin məsuliyyətə cəlb edilməsi üçün daha çox səy göstərməyə çağırıb.
“Təəssüf ki, son bir neçə ay ərzində İordan çayının qərb sahilində ərəblərə qarşı fanatik yəhudilər tərəfindən geniş yayılmış zorakılıq tendensiyasına şahid oluruq. İsrailin bu məsələdə daha çox səy göstərməsinə ehtiyac var.”-deyə o bildirib.
O, İsrail hökumətinin İordan çayının qərb sahilində məskunlaşanlara qarşı zorakılıqların qarşısını almaq üçün bəzi tədbirlər də gördüyünü lakin bu tədbirlərin kifayət etmədiyini əlavə edib.
