Bakı,AzerVoice

Türkiyənin İraqda hərbi mövcudluğunun dayandırılması ilə bağlı razılığa gəldiyi haqqındaki xəbərlərin doğru olmadığı bildirilib.

AzerVoice xəbər verir ki, ötən həftə Türkiyənin Milli Müdafiə Naziri Yaşar Güler ​​və İraqın müdafiə naziri Sabit Məhəmməd əl-Abbasi arasında anlaşma memorandumu imzalanıb.

Qeyd olunub ki, imzalanan memorandum Türkiyə əsgərlərinin İraq ərazisindəki mövcudluğunun dayandırılması məqsədi daşımır.

“Razılaşma çərçivəsində iki ölkə Bağdadda müştərək təlim mərkəzi quracaq və terror təşkilatlarının iki dövlətin suverenliyinə yönəltdiyi təhdidlərin aradan qaldırılmasını təmin edəcək",- deyə bildirilib.

Türkiyə Müdafiə Nazirliyi rəsmisinin sözlərinə görə, media orqanları Türkiyə və İraq müdafiə nazirlərinin imzaladığı mətndən fərqli və “real olmayan” bir anlaşma memorandumu dərc ediblər.

Müdafiə Nazirliyinin müşaviri Zeki Aktürk bildirib ki, iki ölkə terror təşkilatlarına qarşı koordinasiya üçün kəşfiyyat məlumatı mübadiləsi aparacaq.