BAKI, AzerVoice
Birləşmiş Millətlər Təşkilatının (BMT) Humanitar İşlər üzrə Baş katibinin müavini Tom Fleçer, Qəzza zolağında davam edən humanitar böhranın kritik həddə çatdığını açıqlayıb.
AzerVoice-un məlumatına görə, Fletçer bildirib ki, bölgəyə 48 saat ərzində təcili humanitar yardım çatdırılmazsa, 14 min körpənin həyatını itirmə riski var.
BMT-nin Humanitar Yardım Koordinasiya Ofisinin rəsmiləri bu gün Qəzzaya təxminən 100 yardım maşınının daxil olmasına icazə verildiyini bildiriblər. Lakin 11 həftədir blokada altında olan bölgənin ehtiyaclarını bu yardımların qarşılamadığı vurğulanıb.
BBC Radiosuna açıqlama verən Fletçer, sərhəddə gözləyən ərzaq və tibbi ləvazimatların hələ də mülki əhaliyə çatdırılmadığını deyib. Xüsusilə uşaq qidası çatışmazlığının kritik səviyyəyə çatdığını qeyd edən Fletçer, iki gün ərzində yardım çatmasa minlərlə körpənin həyatı təhlükə altına düşəcək, deyə xəbərdarlıq edib.
BMT Humanitar İşlər üzrə Koordinasiya Ofisinin (OCHA) sözçüsü Jens Laerke isə Cenevrədə keçirilən mətbuat konfransında bildirib ki, dünən Qəzzaya 9 yardım maşınının girişinə icazə verilsə də, onlardan yalnız beşiəraziyə keçə bilib.
Laerke əlavə edib ki, bu gün daha çox yardım maşını üçün müraciət edilib və təxminən 100 nəqliyyat vasitəsinə icazə verilib. Lakin 4 maşın logistik səbəblərdən keçidi reallaşdıra bilməyib.
Yardım maşınlarının əsasən uşaq qidaları və körpə mamaları ilə yükləndiyini deyən Laerke, həmin 5 maşının hazırda hələ də İsrail nəzarəti altında olduğunu və yoxlamaların son mərhələsində olduğunu bildirib.
