Bakı,AzerVoice

İsrailin ifrat sağçı milli təhlükəsizlik naziri İtamar Ben-Qvir fələstinli müsəlmanların qarşıdan gələn Ramazan ayı ərzində Əl-Əqsa məscidini ziyarət etmələrini qadağan etməyə çağırıb.

AzerVoice xəbər verir ki, Ben-Qvir həmçinin 70 yaşdan aşağı İsrail Fələstin vətəndaşlarının məscidlərə girişini qadağan etməyə çalışır və bu yaş məhdudiyyətlərinin "təhlükəsizlik səbəbi ilə" zəruri olduğunu iddia edir.

İSrail mətbuatında yer alan xəbərə əsasən, ölkənin Daxili Təhlükəsizlik Xidməti Şin Bet fələstinlilərin müqəddəs məkanı ziyarət etmələri üçün heç bir məhdudiyyət olmadığını bildirib.

İsrailli ekspertlər hesab edir ki, qadağa qərarı, təxminən martın 10-da başlayacaq Ramazan ayı ərzində Əl-Əqsada gərginliyi alovlandıra bilər.