Bakı. AzerVoice:
İsrail ordusu işğal altındakı İordan çayının qərb sahilinin şimalındakı Cenin şəhərindəki Cenin Qaçqınlar Düşərgəsinə sistemli şəkildə basqın edərək nəzarətə götürməklə yanaşı, düşərgənin yerləşdiyi şəhərin infrastrukturunu hədəfə alaraq fələstinlilərin həyatını çətinləşdirir.
AzerVoice-un məlumatına görə, Cenin Qaçqınlar Düşərgəsində Fələstin müqavimət qruplarının olduğu məlumdur. İsrail ordusu 7 oktyabr hücumlarından sonra Cenin Qaçqınlar Düşərgəsinə basqınlarının intensivliyini artırıb. Günlərlə davam edən reydlər zamanı İsrail ordusunun tikinti texnikası düşərgədəki yolları qazır və təxminən 20 min fələstinlinin yaşadığı düşərgənin infrastrukturunu sistematik şəkildə məhv edir.
İsrail ordusunun az qala hər gün basqın etdiyi Cenin Qaçqınlar Düşərgəsi ilə yanaşı, Cenin şəhəri də İsrail hərbi iş maşınlarının hədəfinə çevrilib. Cenin şəhərinin ən işlək nöqtələrini tikinti texnikası ilə birləşdirən dairə və küçələrdə asfalt örtüyü qaşıyan İsrail qüvvələri təmiz və tullantı su şəbəkəsi borularını partladıb.
Cenin bələdiyyə başçısı Nidal Əbu Salih bildirib ki, İsrail ordusu Cenin Qaçqınlar Düşərgəsində infrastrukturun əhəmiyyətli bir hissəsini məhv edib. İsrail qüvvələri şəhərin ən işlək nöqtələrinin kəsişməsindəki küçələri hərbi ağır texnika ilə dağıdıb. Bu, Fələstin xalqının iradəsini qırmaq məqsədi daşıyır.
Qeyd edək ki, 2023-cü il noyabrın 24-dən dekabrın 1-dək HƏMAS və İsrail arasında bir həftə ərzində atəşkəs əldə edilmiş, əsir mübadiləsi aparılıb və Qətər-Misir-Amerika vasitəçiliyi ilə çox məhdud humanitar yardım Qəzzaya gətirilib.
Təl-Əviv Qəzzada təxminən 134 israilli məhbus olduğunu təxmin edir, hər iki tərəfin rəsmi mənbələrinə görə, həbsxanalarında ən azı 8 min 800 fələstinli saxlanılır.
2023-cü il oktyabrın 7- dən etibarən İsrail Qəzza zolağında dağıdıcı müharibə aparır ki, bu da çoxu uşaq və qadınlardan ibarət on minlərlə dinc sakinin həlak olması ilə yanaşı, misli görünməmiş humanitar fəlakətə səbə olub. Buna cavab olaraq, Tel-Əviv soyqırım ittihamı ilə Beynəlxalq Ədalət Məhkəməsinə çıxarılıb.
