Bakı,AzerVoice
İranın dəstəklədiyi yaraqlılar Suriyanın Deyr əz-Zor bölgəsindəki Əl-Ömər neft yatağındakı ABŞ bazasına hücüm ediblər.
AzerVoice-nin məlumatına görə, bu haqda Suriya İnsan Haqları Müşahidə Qrupu (SOHR) açıqlamasında deyilir.
Məlumata əsasən, hücüm ABŞ qüvvələrinin bazada təlim keçdiyi vaxt baş verib. Hücüm nəticəsində ölən və yaralananlar yoxdur.
Sakitlik müvəqqəti bir taktikadır – İraq Əl-Nücəbə Hərəkatı lideri
Qeyd edək ki, İranın dəstəklədiyi silahlı qruplar daha əvvəl ABŞ-ın İraq və Suriyadakı hərbi bazalarının hədəf alındığını açıqlamış və bunun İsrailin Qəzza zolağında oktyabrın 7-dən bəri davam edən müharibəsinə reaksiya olaraq edildiyini bildirmişdi.
