Bakı, AzerVoice

İsrailin müdafiə naziri Yoav Qalant Naim Qasimin Hizbullahın baş katibi seçilməsini şərh edərək “Təyinat müvəqqətidir və geriyə sayım başladı” deyib.

AzerVoice ArabAZ-a istinadən xəbər verir ki, bu gün səhər saatlarında Hizbullah Qasimin keçən il sentyabrın 27-də Beyrutun cənub ətrafına İsrail basqınında öldürülən Həsən Nəsrullahın yerinə baş katib seçildiyini elan edib.

Hİzbullah bəyanatında deyilir ki, “Baş katibin seçilməsi üçün təsdiq edilmiş mexanizmə uyğun olaraq, Hizbullah Şurası Şeyx Naim Qasimin Hizbullahın baş katibi seçilməsinə razılıq verib”

Qasimin seçilməsi Hizbullahın İcraiyyə Şurasının rəhbəri, Nəsrullahın yerinə ən görkəmli namizəd hesab edilən Haşim Səfi əd-Dinin öldürülməsindən sonra baş verib.

Qasım Həsən Nəsrullahın öldürülməsindən sonra üç televiziya çıxışında iştirak edib və sonuncu çıxışı oktyabrın 15-i olub. O, həmin vaxt “həll yolunun atəşkəs olduğunu” vurğulasa da, Hizbullahın döyüşünü davam etdirdiyini və İsrailin “məğlub olacağını” vurğulayıb.