Bakı,AzerVoice

Misirin xarici işlər naziri Bədr Əbdüləti ölkəsinin fələstinliləri köçürmədən Qəzza zolağının yenidən qurulması üçün Avropa və beynəlxalq ictimaiyyətdən dəstək gözlədiyini açıqlayıb.

AzerVoice xəbər verir ki, Misir Xarici İşlər Nazirliyinin yazılı açıqlamasında Nazir Əbdülati ilə onun fransız həmkarı Jan-Noel Barro arasında telefon danışığının baş tutduğu bildirilib.

İki ölkə arasındakı əlaqələri müzakirə edən Əbdülati və Barro, regional məslələrədə də toxunublar.

Əbdülati, Misirin Avropa İttifaqı daxilində Fransanın verdiyi dəstəyi yüksək qiymətləndirdiyini qeyd edərək, Misirə 4 milyard avro dəyərində olan Avropa maliyyə paketinin ikinci hissəsi ilə bağlı qərarın qəbul olunmasını gözlədiklərini bildirib.

Qəzza Zolağındakı hadisələrə və Misirin bu istiqamətdəki səylərinə ərəb ölkələrinin dəstəyinə diqqət çəkən Əbdülati, "Beynəlxalq ictimaiyyətin, o cümlədən Avropa İttifaqı ölkələrinin, bu məsələdə Misirin səylərini dəstəkləyəcəyinə ümid etdiyini" vurğulayıb.