Bakı, VOA
İsrail hökumətində koalisiya tərəfdaşı olan Ultra-Ortadoks Yəhudi Şas Partiyası bəyan edib ki, baş nazir Benyamin Netanyahunun rəhbərlik etdiyi hökumətin dağılması an məsələsidir.
VOA xəbər verir ki, İsrailin dövlət televiziyası KAN-ın xəbərinə görə, İsrail parlamenti “Ravvin qanunu” layihəsini geri götürdükdən sonra Şas rəsmiləri Netanyahunun rəhbərlik etdiyi Likud Partiyasını sərt tənqid etməyə başlayıb.
Xəbərə görə, Şas Partiyası İsrail hökumətinin dağılmasının qaçılmaz olduğu barədə xəbərdarlıq edərək, sözügedən qanun layihəsinin geri çəkilməsinə cavab olaraq atılacaq addımları müzakirə edəcəyini bildirib.
Həmçinin, baş nazir Netanyahu ilə Şas lideri Ravvin Aryeh Deri arasında gərgin bir telefon danışığı olduğu və Deri Netanyahunu koalisiyaya nəzarəti itirməkdə və hökumətinin Haredi (Ultra pravoslav yəhudilər) xalqına zərərli olması ilə bağlı günahlandırıb.
Netanyahu, lehinə səs çoxluğu olmadığı üçün parlamentdə birinci oxunuşda səsvermədən əvvəl ravvin qanunu layihəsini gündəmdən çıxarıb.
Sözügedən qanun layihəsi şəhərlərdə ravvinlərin təyin edilməsi səlahiyyətinin yerli hakimiyyət orqanlarından alınaraq Şas Partiyasından olan Michael Malchieli nazirliyi nəznindəki Dini Xidmətlər Nazirliyinə verilməsini nəzərdə tutur.
Lakin milli təhlükəsizlik naziri İtamar Ben-Qvirin rəhbərlik etdiyi ifrat sağçı Yəhudi Gücü və Likud partiyaları sözügedən qanun layihəsinə qarşı çıxıb.
