Bakı, AzerVoice

İsrail ordusu Beyrutun cənubunda Hizbullahın qalası olaraq adlandırılan Dahiye bölgəsinə 12 hava hücumu təşkil edib.

AzerVoice xəbər verir ki, bu haqda İsrail ordusunun sözçüsü Aviçay Adraee X platformasında paylaşım edib.

Livanın Hreyk, Hades Beyrut, Şüveyfət Əmrusiye bölgələrinə aid xəritələrin yer aldığı paylaşımlarda Adraee xəritələrdə işarələnmiş binaların sakinlərindən binaları dərhal təxliyə etmələrini istəyib.

Binaların "Hizbullah obyektlərinə yaxın" olduğunu bildirən Adraee, İsrail ordusunun bu binaları vuracağını bildirib. Həmçinin insanları bu binalardan ən az 500 metr aralıda dayanmağa çağırıb.

Hava hücumlarında Dahiyənin Hrayk, Əl-Şəyyah, Hades Beyrut, Şüveyfət, El-Amrusiye, Ər-Ruveys və El-Camus məhəllələri hədəfə alınıb.

Hava zərbələri güclü partlayışlara səbəb olub.

Ölən və ya yaralananlarla həmçinin dəyən ziyanla bağlı hələlik məlumat yoxdur.