BAKI, AzerVoice
ABŞ-ın İrana qarşı nüvə obyektlərinə hücumundan sonra prezident Donald Tramp təkcə Tehranla əldə olunmuş razılaşmaları deyil, eyni zamanda öz seçicilərini də satdı.
AzerVoice xəbər verir ki, bu barədə İranın xarici işlər naziri Seyid Abbas Araqçi İstanbulda keçirdiyi mətbuat konfransında bildirib.
“ABŞ prezidenti, Yaxın Şərqdəki sonsuz və baha başa gələn müharibələri bitirmək vədi ilə seçilmişdi. O, təkcə İrana qarşı diplomatiyaya olan sadiqliyimizi pozaraq bizə xəyanət etmədi, həm də müharibə istəyən cinayətkarların təsiri altına düşərək öz seçicilərini də aldatdı” - deyə, Araqçi vurğulayıb.
Qeyd edək ki, ABŞ Hərbi Hava Qüvvələri iyunun 22-ə keçən gecə İran ərazisində yerləşən Fordo, Nətənz və İsfahan nüvə obyektlərinə hava zərbələri endirib. Hücum nəticəsində hər üç nüvə obyektinin məhv edildiyi qeyd olunub.
