BAKI, AzerVoice
Hazırda Tehran regiondakı vəziyyət və ABŞ-ın nüvə obyektlərinə endirdiyi zərbə ilə bağlı danışıqlara başlamağı müzakirə etmir.
AzerVoice xəbər verir ki, bu barədə İranın xarici işlər naziri Seyid Abbas Araqçi İstanbulda keçirdiyi mətbuat konfransında bildirib.
“Əlbəttə, mən Tehranla əlaqədəyəm. Nüvə obyektlərinə hücumun özü beynəlxalq hüququn pozulmasıdır və bu, qəti şəkildə qınanılmalıdır. Hazırda danışıqlara hazırlıqdan söhbət getmir. Lakin ümumilikdə diplomatiya üçün qapı açıq qalmalıdır” – deyə, nazir vurğulayıb.
Qeyd edək ki, ABŞ Hərbi Hava Qüvvələri iyunun 22-ə keçən gecə İran ərazisində yerləşən Fordo, Nətənz və İsfahan nüvə obyektlərinə hava zərbələri endirib. Hücum nəticəsində hər üç nüvə obyektinin məhv edildiyi qeyd olunub.
